Descargo de responsabilidad
Esta publicación expresa la posición de su autor o del medio del que la recolectamos, sin que suponga que el Observatorio del Laicismo o Europa Laica compartan lo expresado en la misma. Europa Laica expresa sus posiciones a través de sus:
El Observatorio recoge toda la documentación que detecta relacionada con el laicismo, independientemente de la posición o puntos de vista que refleje. Es parte de nuestra labor observar todos los debates y lo que se defiende por las diferentes partes que intervengan en los mismos.
O amigo Xenaro García Suárez, matemático e escritor, acha a menos, nunha miña columna do FARO (10-7-2023), a mención do FSU (Frente Socialista Universitario) entre as organizacións clandestinas que cooperaron coa UPG na restauración do Día da Patria Galega o 25 de Xullo de 1968. Certamente, o FSU, que tivera presenza destacada no movemento universitario compostelán do curso anterior, quixo estar activo a carón da UPG na convocatoria da Concentración Nacional en Compostela co seu propio manifesto.
O FSU era a sección estudantil do PSI (Partido Socialista en el Interior) fundado e dirixido por Enrique Tierno Galván que, máis tarde, mudaría o nome polo de PSP (Partido Socialista Popular). Falabamos dunha formación partidaria ilegal que se declaraba socialista autoxestionaria e federalista. No 68, Tierno Galván transitaba, se cadra, estimulado polo seu discípulo Lucas Verdú, a unha ideoloxía de sabor iugoslavo que conectaba ben con algunhas correntes que fluían na Galicia nacionalista de esquerda. Lembramos, no contexto actual, que o partido de Tierno sempre estivo impregnado dun espírito aconfesional ou laicista, o cal obriga a deternos un intre na Compostela apostólica.